საქართველოს ჯანდაცვის მინისტრის დავით სერგეენკოს განცხადებით, გუდაურის გადაუდებელი დახმარების კლინიკას 8 ადამიანმა მიმართა. მათგან ერთი უკვე გაწერეს შვიდი კი ადგილზე რჩება.

"საბედნიეროდ გარდაცვალების შემთხვევა არ არის და არ არის მძიმე პაციენტი. ორი პაციენტია საყურადღებო - ერთი უკრაინის, ხოლო მეორე შვედეთის მოქალაქე", - განაცხადა დავით სერგეენკომ. ჯანდაცვის მინისტრის თქმით, ორ პაციენტს სპეციალური რეანომობილებით თბილისში გადმოიყვანენ.

"ერთ პაციენტს აქვს ხელის ღია მოტეხილობა და თავზე ჭრილობა. მეორე არის შვედეთის მოქალაქე ორსული ქალბატონი, რომელსაც წელის არეში ტკივილები აქვს და საყურადღებოა", - განაცხადა დავით სერგეენკომ.

დაშავებულებიდან ორი უკრაინის, რუსეთის – ოთხი, შვედეთის – ერთი და საქართველოს ერთი მოქალაქეა, რომელმაც ამბულატორია უკვე დატოვა. საბაგიროს ავარიულად გაჩერების შედეგად, 10-მდე ადამიანი დაშავდა. შსს-მ გამოძიება 275-ე მუხლით დაიწყო.

გაიგე მეტი: