გუდაურში, საბაგირო, რომლის მწყობრიდან გამოსვლის შედეგად 8 მოქალაქე დაშავდა, 2017 წლის 22 დეკემბერს შემოწმდა. მთის კურორტების განვითარების კომპანიაში On.ge-ს უთხრეს, რომ ინსპექტირების შედეგად არაინაირი არსებითი თუ კრიტიკული შეუსაბამობა არ დადგინდა.

კომპანიაში ამბობენ, რომ შესაბამისი დასკვნაც არსებობს, თუმცა დოკუმენტის მოწოდებაზე On.ge-ს უარი უთხრეს.

საბაგირო წარმოებულია კომპანია დოპელმაიერის მიერ.

დაზუსტებული ინფორმაციით, გუდაურში, საბაგიროს დაზიანების და უკუსვლით ამოძრავების გამო, 8 ადამიანი დაშავდა. დაშავებულები სხვადასხვა დაზიანებით უკვე გადაიყვანეს ამბულატორიებსა და სხვადასხვა სამედიცინო დაწესებულებებში.