სანკტ-პეტერბურგში, შესაძლოა, ზურაბ წერეთლის მიერ შესრულებული ქრისტეს ქანდაკება დადგან. ქანდაკების სიმაღლე 80 მეტრი, წონა კი 200 ტონაა. ამის შესახებ ინფორმაციას ტელეკომპანია დოჟდი რია ნოვოსტიზე დაყრდნობით ავრცელებს.

ადგილობრივი ქალაქგეგმარებისა და არქიტექტურის კომიტეტის ინფორმაციით, აღნიშნულთან დაკავშირებით დავალება პეტერბურგის გუბერნატორისგან, გიორგი პოლტავჩენკოსგან მიიღეს:

"საკითხი განხილვის ეტაპზე, ჯერჯერობით არანაირი გადაწყვეტილება არ მიგვიღია".

5 ივლისს გოროდ 18-მა გაავრცელა ინფორმაცია, რომ ზურაბ წერეთელმა ადგილობრივ მთავრობას ქრისტეს 80-მეტრიანი ქანდაკების აღმართვა თავად შესთავაზა. გამოცემის ცნობით, ქანდაკება სოჭისთვის შეიქმნა, თუმცა იქ ქანდაკებისათვის შესაფერისი ადგილი ვერ მოძებნეს.

აღსანიშნავია, წერეთელმა ქანდაკების პედესტალში სამლოცველოა დაპროექტებული.

2005 წელს პეტერბურგში წერეთლის მიერ შესრულებული პეტრე პირველის ექვსმეტრიანი ქანდაკება აღმართეს, რომლის პედესტალის სიმაღლე 7 მეტრია.

შესადარებლად — რიო-დე-ჟანეიროს ქრისტეს ცნობილი ქანდაკების სიმაღლე 38 მეტრია, პედესტალის ჩათვლით.