საქართველოს კომუნიკაციების კომისიის ინფორმაციით, მაგთი და ჯეოსელი სახელმწიფო უწყებებს მომსახურებას იმაზე დაბალ ფასად აწვდიდნენ, ვიდრე თავად უჯდებოდა. როგორც კომისიაში ამბობენ, ამის შესახებ ბაზრის მოკვლევის შემდეგ დაადგინეს. ამ დარღვევისთვის ორივე კომპანია წერილობით გააფრთხილეს.

"საქართველოს კომუნიკაციების ეროვნულმა კომისიამ მობილური კავშირის კონსოლიდირებული ტენდერით გაწეული მომსახურეობის სუბსიდირებისთვის შპს მაგთიკომს და შპს ჯეოსელს წერილობითი გაფრთხილება მისცა. კომუნიკაციების კომისიამ დაასრულა ბაზრისმოკვლევა და დაადგინა, რომ შპს მაგთიკომისა და შპს ჯეოსელის მხრიდან კონსოლიდირებული ტენდერის მომსახურეობის ფარგლებში ორივე კომპანიას დაუფიქსირდა ზარალი", - აღნიშნავენ კომისიაში.

გასული წლისგან განსხვავებით მაგთიმაც და ჯეოსელმაც სახელმწიფო უწყებებს 5 ლარად ინტერნეტის 15 GB-იანი პაკეტის ნაცვლად 5GB შესთავაზეს.

ამავე თემაზე: