მარტი საქართველოს კინოთეატრებში ნამდვილად შთამბეჭდავი პრემიერების თვეა, მათ შორის საავტორო კინოს მოყვარულთათვის.

დიდი სიყვარულის ისტორია, მდიდარი სექს მუშაკის ფარული კრიმინალური ვნება თუ უფროსკლასელი გოგოს სურვილები და ოცნებები - საკუთარი გემოვნების მიხედვით ფილმის არჩევა ნამდვილად არ გაგიჭირდებათ.

ფსკერზე

ვიმ ვენდერსის ფილმი, ოსკაროსანი ალისია ვიკანდერისა და ჯეიმს მაკევოის მონაწილეობით.

დიდი სიყვარულის ისტორია დიდ ეკრანზე, რომლის სიუჟეტიც ჯეიმს მურისა (ჯეიმს მაკევოი) და დანიელ ფლინდერსის (ალისია ვიკანდერი) გარშემო ვითარდება. ქმარი - დაზვერვის ოფიცერია, ცოლი - ოკენოლოგი. ერთს სახიფათო სპეცოპერაცია ელის სომალში, მეორეს კი ხანგრძლივი ექსპედიცია. ხანგრძლივ განშორებამდე წყვილი ერთად შობას ატარებს, თუმცა შესაძლოა ეს მათი ერთადყოფნის ბოლო დღე აღმოჩნდეს.

ევა

ფილმის სიუჟეტი ჯეიმს ჰედლი ჩეიზის რომანს ეფუძნება.

ფილმის პირველი ვერსია 1962 წელს გადაიღო ბრიტანელმა რეჟისორმა ჯოზეფ ლოუზიმ, მთავარ როლებს ჟანა მორო, სტენლი ბეიკერი და ვირნა ლიზი ასრულებდნენ. 2018 წელს ეს ტრიო იზაბელ იუპერმა, გასპარ ულიემ და ჯულია როიმ ჩაანაცვლეს, ფილმი კი ბერლინისა და კანის კინოფესტივალის საკონკურსო პროგრამის მონაწილე რეჟისორმა ბენუა ჟაკომ გადაიღო.

ისტორია ახალგაზრდა მწერლის ლიტერატურული ექსპერიმენტსა და იდეალური ფინალის მისაღებად წამოწყებული სახიფათო თამაშზე მოგვითხრობს.

ლედი ბერდი

2018 წლის 5 ოსკარის ნომინანტი ფილმი საქართველოს კინოთეატრებში 15 მარტიდან გამოჩნდება. ფილმის შემქმნელი გრეტა გერვიგია, რომელმაც ოსკარზე საუკეთესო რეჟისორის ტიტული ვერ მიიღო, თუმცა ისტორიასი მაინც შევიდა. ოსკარის 90-წლიან ისტორიაში, გრეტა გერვიგი გახდა მეხუთე ქალი, რომელიც საუკეთესო რეჟისორის ნომინაციაზე წარადგინეს.

ფილმის სიუჟეტი უფროსკლასელის (სირშა რონანი) გარშემო ვითარდება, რომელიც ერთ დღეს გადაწყვეტს რომ სახელი შეიცვალოს და დელი ბერდი დაირქვას. მთავარი გმირი ერთი წელს ატარებს საკრამენტოში, სადაც ბევრი საინტერესო ისტორიის თვითმხილველი თუ თანამონაწილე გახდება.

Lady Bird ამერიკაში იმდენად პოპულარული ფილმი გახდა, რომ ერთ-ერთი სახლი რომელიც ფილმში ჩანს, ტურისტებისთვის დანიშნულების საყვარელ ადგილად იქცა.