დედამიწიდან 340 სინათლის წელიწადის დაშორებით, კენტავრის თანავარსკვლავედში, ასტრონომებმა ახალი ეგზოპლანეტა აღმოაჩინეს, რომელიც სამ ვარსკვლავიან სისტემაში ბრუნავს.

"პლანეტა სისტემის A ვარსკვლავის გარშემო ბრუნავს". ამბობს კევინ ვაგნერი, არიზონას უნივერსიტეტის დოქტორანტურის სტუდენტი, რომელიც ერთერთი იყო, ვინც ახალი პლანეტა აღმოაჩინა. A ვარსკვლავისა და პლანეტის გარშემო ორი ვარსკვლავი B და C ბრუნავენ.

ვარსკვლავი A, რომლის გარშემოც ახალი პლანეტა HD 131399Ab ბრუნავს, ჩვენს მზეზე 80 პროცენტით მეტი მასა აქვს და 7,8-ჯერ უფრო კაშკაშაა. პლანეტა ამ ვარსკვლავიდან 82 ასტრონომიული ერთეულის (ერთი ასტრონომიული ერთეული 150 მილიონ კილომეტრს უდრის) ანუ 12 მილიარდი კილომეტრის დაშორებით ბრუნავს. ეს მანძილი ორჯერ უფრო მეტია, ვიდრე დისტანცია მზიდან პლუტონამდე.

პლანეტის ორბიტა 1100 დედამიწური წელიწადი გრძელდება.

ვარსკვლავი B და C ნაკლები მასისა და სიკაშკაშის მქონე ობიექტები არიან. B მხოლოდ 0,87-ჯერ უფრო კაშკაშაა ვიდრე ჩვენი მზე და დაახლოებით იგივე მასა აქვს. C ვარსკვლავს მზეზე 40%-ით ნაკლები მასა აქვს და მხოლოდ 0,17-ჯერ მეტი სიკაშკაშე აქვს. ორივე მათგანის ორბიტა პლანეტისგან 300-400 ასტრონომიული ერთეულითაა დაშორებული.