ქობულეთში დილიდან წვიმს. ქალაქის გამგეობის ინფორმაციით, უამინდობას მუნიციპალიტეტისთვის მნიშვნელოვანი ზიანი არ მიუყენებია, თუმცა გამგეობაში სტიქიის შტაბი საგანგებო რეჟიმში მუშაობს.

გამგეობაში ამუშავდა ცხელი ხაზი: 0 800 100 107. ზარი უფასოა.

ძლიერი წვიმის შედეგად გამთენიისას ჩაიკეტა ქობულეთი-ბობოყვათი-დაგავს ცენტრალური გზა და დაზიანდა ელექტრო გადამცემი ხაზები. ქალაქის გამგეობის ინფორმაციით, ამ დროისათვის სატრანსპორტო მიმოსვლა და ენერგომომარაგება აღდგენილია.

გადაუღებელი წვიმის გამო მეწყერული პროცესები განვითარდა დაბა ჩაქვში, ხალაში და ჩაისუბანში, მოსახლეობას საფრთხე არ ემუქრება.

ძლიერი წვიმის შედეგად ქობულეთის მუნიციპალიტეტში, დაგვაში, ბროლაძეების საცხოვრებელი სახლი სტიქიისგან დაიმეწყრა და ავარიულ მდგომარეობაშია.

ქობულეთის გამგებელი სიტუაციას ადგილზე გაეცნო. გამგეობის ინფორმაციით, ოჯახი ევაკუირებულია და მათ საფრთხე აღარ ემუქრებათ, ხოლო მუნიციპალიტეტის ხელმძღვანელები დაზარალებულებს შესაძლებლობის ფარგლებში დახმარებას დაჰპირდნენ.

ამავე თემაზე: