ამ კვირაში ვატიკანი პირველ ჰაკათონს უმასპინძლებს. ჰაკათონში მსოფლიოს 50 უნივერსიტეტის სტუდენტები რომის პაპის მიერ განსაზღვრულ გლობალური პრობლემების დაძლევის საკითხებზე იმუშავებენ.

სამი დღის განმავლობაში რომში 120 სტუდენტი და 35 მენტორი შეიკრიბება, რათა სოციალურ ინტეგრაციაზე, მიგრანტების, ლტოლვილებისა და რელიგიის საკითხზე იმუშაონ.

"მიზანს წარმოადგენს ის, რომ ადამიანები ტექნოლოგიებიდან, ბიზნესიდან, სამოქალაქო საზოგადოებიდან და ჰუმანიტარული მეცნიერებებიდან გაერთიანდნენ გლობალური საკითხების ახალი პერპექტივებისთვის", - განაცხადა კათოლიკე მღვდელმა და ინოვაციებისა და კვლევის ქსელის, Optic-ის პრეზიდენტმა, ერიკ სალობირმა.

VHacks-ის ღონისძიება რამდენიმე მსხვილ ტექნოლოგიურ კომპანიასთან თანამშრომლობით ტარდება, მათ შორის არიან გუგლი და მაიკროსოფტი.

"კათოლიკეების უმცირესობაა. მონაწილეების დიდი ნაწილი მუსლიმია, ასევე ებრაელი და რწმენის არ მქონე ადამიანები. დაცულია გენდერული ბალანსი და წარმოდგენილია ხუთი კონტინენტი", - განაცხადა VHacks-ის ტექნიკურმა კონსულტმა და ორგანიზატორმა.

სტუდენტები ჯგუფებად დაიყოფიან და სხვადასხვა თემაზე იმუშავებენ. ღონისძიება, რომელიც ხუთშაბათს დაიწყება, დასრულდება დაჯილდოებით ინოვაციური წვლილის შეტანისთვის, რომეცლი ტექნოლიურ და ადამიანურ ღირებულებებს აერთიანებს.