მხოლოდ ერთი ადამიანი იღებს ოსკარზე უფრო მეტ მადლობას, ვიდრე თავად კინოაკადემია. მსახიობები თავიანთი ცხოვრებისა და კარიერის ერთ-ერთ ყველაზე ბედნიერ წუთებში დედებს იხსენებენ და თავიანთ წარმატებას მას უძღვნიან.

2012 წელს ამერიკის კინოაკადემიამ დედების დღეს ვიდეო მიუძღვნა, სახელად "მინდა მადლობა გადავუხადო დედას".

"მხოლოდ ერთი ადამიანი იღებს უფრო მეტ მადლობას, ვიდრე კინოაკადემია," - წერია ვიდეოს დასაწყისში.

საქართველოში დედის დღეს 3 მარტს ზეიმობენ. მრავალი ქვეყანა კი ამ დღეს მაისის მეორე კვირა დღეს აღნიშნავს, მათ შორისაა ამერიკა.