სომხეთის პარლამენტმა ქვეყნის ახალ პრეზიდენტად არმენ სარქისიანი აირჩია, რომელიც ერთადერთი კანდიდატი იყო. ახალი კონსტიტუციით. პრეზიდენტს შვიდი წლით ირჩევენ. ეს პირველი შემთხვევაა, როდესაც ქვეყნის პირველი პირი პარლამენტმა აირჩია.

მის კანდიდატურას 90-მა დეპუტატმა დაუჭირა მხარი, წინააღმდეგი იყო 10, ხოლო ერთი ბიულეტენი გაუქმდა. კანდიდატურის ასარჩევად ხმების ერთი მესამედი იყო საჭირო.

სარქისიანი კანდიდატურა მმართველი პარტიის რესპუბლიკური პარტიის და სომხური რევოლუციური ფედერაციის ფრაქციებმა წამოაყენეს.

ოპოზიციური პარტია საერთო კანდიდატზე ვერ შეთანხმდა, რის გამო პრეზიდენტობის მხოლოდ ერთი კანდიდატი იყო. ერთ-ერთმა ოპოზიციურმა ფრაქციამ (31 დეპუტატი) განაცახადა, რომ სარქისიანს დაუჭერდა მხარს.

სომხეთის მოქმედი პრეზიდენტის, სერჟ სარგსიანის უფლებამოსილების ვადა 9 აპრილს გადის. ამავე დღეს საპრეზიდენტო სავარძელს დაიკავებს ახალი პრეზიდენტი და მთავრობა გადადგება. ამის შემდეგ, სომხეთი საპარლამენტო მმართველობაზე გადადის.