მუსტაფა ემრე ჩაბუქი დაცვის სახელმწიფო პროგრამაში ჩართეს. ამის შესახებ ინფორმაცია On.ge-ს მისმა ადვოკატმა, სოსო ბარათაშვილმა მიაწოდა.

ადვოკატის თქმით, ჩაბუქი დაცვის სახელმწიფო პროგრამაში 26 თებერვლიდან არის ჩართული. პროკურატურაში კი ამ საკითხზე არ საუბრობენ და ამბობენ, რომ საკითხი სახელმწიფო საიდუმლოა. ამავე პროგრამაში არიან ჩართული ჩაბუქის ცოლი და შვილი.

დაცვის სახელმწიფო პროგრამაში ჩართვის შესახებ ჩაბუქმა 23 თებერვალს შეიტანა.

დემირელის კოლეჯის ხარისხის მართვის მენეჯერი, მუსტაფა ემრე ჩაბუქი შეიარაღებული ტერორისტული ორგანიზაციის წევრობის ბრალდებით, თურქეთის მოთხოვნით, თბილისში 2017 წლის 24 მაისს დააკავეს და 9-თვიანი წინასაექსტრადიციო პატიმრობის ამოწურვამდე რამდენიმე დღით ადრე გირაოთი, 19 თებერვალს გაათავისუფლეს.