2018 წლისთვის შემონახული იმედები შეგიძლიათ დაიტოვოთ - ინგლისელი, შეშლილი გოგოების ჯგუფი, Spice Girls, სამეფო ქორწილში იმღერებს.

ამის შესახებ ჯგუფის ერთ-ერთმა წევრმა, მელანი B.-მ გადაცემაში The Real სტუმრობისას თქვა.

შეიძლება ითქვას, რომ მელანის ყველაფერი წამყვანებმა დააცდევინეს. თავდაპირველად ის, რომ ქორწილში იყო მიწვეული, შემდეგ ის, რომ სამეფო წვეულებაზე ის მარტო არ იქნებოდა, საბოლოოდ კი ის, რომ ჯგუფი ქორწილში იმღერებდა.

სფაის გერლზის დაბრუნებაზე გოგოებმა თებერვლის დასაწყიში გვახარეს:

"გადავწყვიტეთ კვლავ განვაგრძოთ საოცარი გამოცდილებების ერთად მიღება და კიდევ ერთხელ გავიზიაროთ სფაის გერლზის მთავარი მნიშვნელობა, გავაძლიეროთ ჩვენი მესიჯი, რომელიც გულისხმობდა ქალების გამხნევებას და გაძლიერებას მომავალ თაობებში" - ესაა ვიქტორიას, ემას, ჯერის, მელანი C-ს და მელანი B-ს საერთო წერილი, რომელიც ჯგუფის ტვიტერზე 2 თებერვალს გამოქვეყნდა.

მალევე გავრცელდა მითქმა-მოთქმები, იმის შესახებ, რომ ჯერი ჰორნერს [ჯერი ჰოლიველი] სურდა, რომ ჯგუფის დაბრუნების შემდეგ დებიუტი პრინცი ჰარისა და მეგან მარკლის ქორწილში შემდგარიყო.

როგორც ჩანს, ამ ყველაფერში მეგან მარკლის ხელი ურევია, რადგანაც ის ჯგუფის ფანია. ასე რომ, სფაის გერლზის ფანები სწორედ სამეფო ოჯახის ახალ წევრს უნდა უმადლოდნენ.

სამეფო ქორწილი 2018 წლის 19 მაისს გაიმართება.