გიგა ბოკერია: მედიის დამოუკიდებლობა არჩევნების დემოკრატიულობის ტესტი იქნება
![](http://chandler.on.ge/2016/06/09/unm.jpg)
აშშ-ს სახელმწიფო მდივანი, ჯონ კერი თბილისიდან გამგზავრებამდე ერთიანი ნაციონალური მოძრაობისა და თავისუფალი დემოკრატების წევრებს შეხვდა. როგორც ენმ-ს წევრმა, დავით ბაქრაძემ განმარტა, საუბარი როგორც არჩევნებს, ისე თავისუფალი მედიის არსებობასა და რუსთავი 2-საც შეეხო:
"ჩვენი ამერიკელი მეგობრების მესიჯი არის აბსოლუტურად ღია, მკაფიო და გასაგები, რომ ქვეყანაში უნდა ჩატარდეს თავისუფალი არჩევნები, რაც გულისხმობს თავისუფალი მედიის არსებობას და ამ კონტექსტში ძალიან დეტალური საუბარი იყო რუსთავი 2-სა და სხვა მედია საშუალებებზე. საუბარი იყო ძალადობის დაგმობაზე და ხელისუფლების მხრიდან იმ ნაბიჯების დაუშვებლობაზე, რომელიც კითხვის ნიშნის ქვეშ აყენებს ამომრჩევლის თავისუფლი არჩევანის უფლებას".
ენმ-ს წევრის, გიგა ბოკერიას განცხადებით კი, აშშ-ს სახელმწიფო მდივანთან შეხვედრისას ხაზი გაესვა, რომ ოქტომბრის საპარლამენტო არჩევნების დემოკრატიულობის ერთგვარი ტესტი მედიის დამოუკიდებლად მუშაობა იქნება. მისი თქმით, საუბარი რუსთავი 2-საც შეეხო და აღნიშნა, რომ მედიის თავისუფლებისა და ქვეყნის დემოკრატიულობის პროცესში აღნიშნული მაუწყებლის საკითხი საკვანძოა:
"ეს არის მხარდაჭერა საქართველოს სახელმწიფოებრიობის და დამოუკიდებლობის იმ გამოწვევის ფონზე, რასაც რუსეთი გვიქმნის. ეს არის მხარდაჭერა და მკაფიო გზავნილი ივანიშვილის ხელისუფლების, რომ ეს 2 საკითხი არის ურთიერთდაკავშირებული".
აშშ-ს სახელმწიფო მდივანი, ჯონ კერი საქართველოს 7 ივლისს ეწვია. ვიზიტის ფარგლებში ორ ქვეყანას შორის სტრატეგიული პარტნიორობის შესახებ რეფერენდუმს მოაწერეს ხელი. კერიმ თბილისი დღეს დატოვა.ხვალ კი ვარშავაში ნატოს სამიტი იწყება.
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
-
-
-
კომენტარები