თბილისის ზ. ფალიაშვილის სახელობის ოპერისა და ბალეტის თეატრმა მიწვეულ სტუმრებს 294 603 ლარის ღირებულების ბილეთები უსასყიდლოდ გადასცა. ინფორმაცია სახელმწიფო აუდიტის სამსახურის დასკვნაშია, რომელიც 2016 წელს მოიცავს და 2018 წლის თებერვალში გამოქვეყნდა.

აუდიტის დასკვნის მიხედვით, მიწვეული სტუმრებისთვის უფასოდ გადაცემული ბილეთების ღირებულება თეატრის შემოსავლის 20 პროცენტია. თბილისის ოპერა 2016 წელს უფასოდ თუ არ გასცემდა ბილეთებს, მისი წლიური შემოსავალი 1 446 677 ლარი იქნებოდა.