"საქართველოს მთავარი პროკურატურა გიორგი სანაიას მკვლელობის საქმეს სწავლობს", - აღნიშნული ინფორმაცია პროკურატრამ On.ge-სთან დაადასტურა. უწყების ცნობით, შესაბამისი სამართლებრივი გადაწყვეტილება, მისი მიღების შემდეგ, საზოგადოებას ეცნობება.

2001 წელს მოკლული ჟურნალისტის, გიორგი სანაიას ოჯახმა პროკურატურას მიმართა, რუსთავი 2-ზე გასული სიუჟეტის შემდეგ, პატიმარ კოტე ციხისთავის განცხადების საფუძველზე გამოძიება დაეწყო.

ჟურნალისტებთან საუბრისას, გიორგი სანაიას ძმამ, ვახო სანაიამ განაცხადა, რომ უნდა დაიკითხოს ყველა ის პირი, ვინც კოტე ციხისთავის განცხადებაში ფიგურირებს. სანაია აცხადებს, რომ ჯახი გეგმავს პროკურატურას ოფიციალური წერილითაც მიმართოს.

რუსთავი 2-თან საუბრისას, კოტე ციხისთავთან ამტკიცებს, რომ პოლიტიკური მკვლელობა მთავრობაში დაიგეგმა და ის საქართველოს ნომერ პირველ ტერორისტად აღიარებულმა კრიმინალმა შეასრულა. ციხისთავის მტკიცებით, გიორგი სანაია შოთა ჭიჭიაშვილმა მოკლა.