კინემატოგრაფიის უმაღლესი ჯილდოს, ოსკარის დაჯილდოების ცერემონიამდე უფრო და უფრო ცოტა დრო რჩება. 4 მარტისთვის მზადება აქტიურ ფაზაში შედის, აკადემიაც ნელ-ნელა კარტებს შლის და შოუს შესახებ სხვადასხვა ინფორმაციას ასაჯაროებს.

რამდენიმე საატის წინ ცნობილი გახდა, რომ ოსკარის წლევანდელ ცერემონიაზე იმღერებენ: მერი ჯეი ბლიჯი, გაელ გარსია ბერნალი, Common, ანდრა დეი, ნატალია ლაფურკადი, მიგელი, კეალა სითლი და სუფჯან სტივენსი.

#Oscars News: Meet this year's performers! http://osca.rs/Performers2018

A post shared by The Academy (@theacademy) on

აღსანიშნავია, რომ მერი ჯეი ბლიჯი წელს ერთდროულად ორ ნომინაციაზეა წარდგენილი - საუკეთესო სიმღერა და მეორეხარისხოვანი როლის შემსრულებელი მსახიობი ქალი.

თითოეული ის სიმღერა, რომელსაც ზემოთაღნიშნული მომღერლები (და მსახიობები) შეასრულებენ ნომინირებულია ოსკარზეც.

მერი ჯეი ბლიჯი - Mighty River (Mudbound)

გაელ გარსია ბერნალი, ნატალია ლაფურკადა და მიგელი - Remember Me (Coco)

Common და ანდრა დეი - Stand Up for Something (Marshall)

კეალა სითლი - This Is Me (The Greatest Showman)

სუფჯან სტივენსი - Mystery of Love (Call Me by Your Name)

გარდა ამისა, ამერიკის კინოაკადემიამ ოსკარის 90-ე დაჯილდოების ცერემონიალზე ნომინაციების წარმდგენთა პირველი და მეორე ნაწილი გაასაჯაროვა.

ოსკარის ნომინანტებს გამარჯვების შემთხვევაში ჯილდოს ვაიოლა დევისითან, მაჰარშაჰა ალისთან, ემა სტოუნთან, მარგო რობისთან, ლორა დერნთან, გრეტა გერვიგთან და ჯენიფერ გარნერთან ერთად წარადგენენ - გალ გადოტი, მარკ ჰემილი, არმი ჰამერი, ოსკარ აიზეკი, ლინ-მანუელ მირანდა, ჯინა როდრიგესი, ევა მარი სინტი, უეს სტუდი, კელი მარი ტრენი და ზენდაია.

ოსკარის წლევანდელი ნომინანტები ნახეთ აქ.