ფლანგვის დეტექტორის ინფორმაციით, 2017 წელს საბურთალოს გამგეობამ საქართველოს მართმადიდებელ ეკლესიას 149 915 ლარი გადაურიცხა. ამ მონაცემეს ფლანგვის დეტექტორის საბურთალოს გამგეობიდან მიღებულ საჯარო ინფორმაციაზე დაყრდნობით ავრცელებს.

მათი ინფორმაციით, თითქმის 150 ათასი ლარიდან 10 ათასი სოფელ დიღომში მდებარე წმ. გიორგის სახელობის ტაძრის სატრაპეზოს მშენებლობა-მოპირკეთების საფასურია. ამდენივე გამოიყო საირქმის ქუჩაზე მდებარე წმ. გრიგოლ ხანძთელის სახელობის ტაძარში ბუხრისა და მეტალოპლასტმასის კარ-ფანჯრის მოსაწყობად.

"წინასაარჩევნო პერიოდებში საქართველოს ბიუჯეტიდან და სარეზერვო ფონდიდან საპატრიარქოსა და მასში შემავალი სხვადასხვა ინსტიტუტების დაფინანსება მკვეთრად იმატებს", - წერს ფლანგვის დეტექტორი.