შინაგან საქმეთა სამინისტროს ინფორმაციით, თემქაზე 20 წლის გოგოს მკვლელობის ბრალდებით მისი მეგობარი დააკავეს. უწყების განცხადებით, ბრალდებულმა მკვლელობა შურისძიების მოტივით ჩაიდინა.

დაუზუსტებელი ინფორმაციით, გარდაცვლილი ყოფილმა შეყვარებულმა მოკლა, უწყებაში ამ საკითხზე კომენტარს არ აკეთებენ.

შსს-ს ინფორმაციით ბრალდებულმა გარდაცვლილს ცივი იარაღით სხეულზე სასიკვდილო ჭრილობები მიაყენა და შემთხვევის ადგილიდან მიიმალა.

გამოძიება განზრახ მკვლელობის ფაქტზე, სისხლის სამართლის კოდექსის 108-ე მუხლით მიმდინარეობს. ჩადენილი დანაშაული 7-დან 15-წლამდე ვადით თავისუფლების აღკვეთას ითვალისწინებს.