თბილისის საქალაქო სასამართლომ ყოფილი ცოლის მიმართ თვითმკვლელობამდე მიყვანაში ბრალდებულს 3 წლით თავისუფლების აღკვეთა მიუსაჯეს.

სასამართლოში წარდგენილი მტკიცებულებებით გ.კ.-მ 2017 წლის 18 თებერვალს, ღამის საათებში, თბილისში, თავის ყოფილ ცოლს ა.ლ.-ს თავის არეში მრავლობითი დაზიანება მიაყენა. აღნიშნულის შემდეგ ა.ლ.-მ სააბაზანო ოთახში ქამრის მსგავსი საგნის გამოყენებით თავი ჩამოიხრჩო.

სამართალდამცველებმა გ.კ. 2017 წლის 13 მაისს თბილისში დააკავეს. მას ბრალდება სისხლის სამართლის კოდექსის 111-115-ე მუხლით (ოჯახის ერთი წევრის მიერ სხვა წევრის თვითმკვლელობამდე მიყვანა სასტიკი მოპყრობით) წარედგინა.