ბათუმში 40-წლამდე კაცი დაჭრეს. აჭარის ტელევიზიის ინფორმაციით, ის საჯდომის არეშია დაჭრილი.

შინაგან საქმეთა სამინისტროს ინფორმაციით, მის ჯანმრთელობას საფრთხე არ ემუქრება. საქმეზე გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს. აღნიშნული ისჯება გამასწორებელი სამუშაოთი ვადით თვრამეტ თვემდე ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით ერთიდან სამ წლამდე.