სარა დრიუ, რომელიც სერიალ გრეის ანატომიაში ექიმ ეიპრილ კეპნერის როლს ასრულებს, ფიქრობს, რომ მას შეეძლო გადაერჩინა ჯეკის პერსონაჟი სერიალიდან This Is Us.

ყველაფერი კი იქიდან დაიწყო, როდესაც ტვიტერზე ერთ-ერთმა ფანმა იკითხა, შეეძლო თუ არა კეპნერს ჯეკის სიცოცხლე გადაერჩინა.

ტვიტს მალევე გამოეხმაურა თავად სარა დრიუ და თქვა, რომ ის ჯეკის სიცოცხლის გადარჩენას შეძლებდა.

ტვიტერზე ამ ამბავს დიდი განხილვა მოჰყვა. უმრავლესობა წუხდა, რომ ჯეკი გრეი სლოანის სახელობის საავადმყოფოში არ მოხვდა, რადგან იქ მის გადარჩენას აუცილებლად შეძლებდნენ.

იმედს ვიტოვებთ, რომ მომავალში, თუ ჩვენი საყვარელი სერიალის რომელიმე პერსონაჟს სასიკვდილო დიაგნოზს დაუსვამენ, ის აუცილებლად მოხვდება სიეტლში სადაც მას ყველაზე პროფესიონალი ექიმები უმკურნალებენ. რა თქმა უნდა თუ მანამდე თავად შონდამ არ გაწყვიტა გრეი სლოანის პერსონალი.