ჯიმ ქერიმ ფეისბუქზე საკუთარი გვერდი გააუქმა. ამის მიზეზად კი მსახიობმა რუსეთი დაასახელა.

დიახ, არ გაგიკვირდეთ, კერი ამბობს, რომ ფეისბუქმა აშშ-ის საპრეზიდენტო არჩევნებში რუსეთის ჩარევით მილიონები იშოვა.

“მე ვაუქმებ ჩემს გვერდს, რადგანაც ის ვერ უზრუნველყოფს ჩვენი პირადი ინფორმაციის რუსეთისგან დაცვას. გარდა ამისა ფეისბუქმა არჩევნებში რუსეთის ჩარევით იშოვა ფული და დღემდე არ იღებს ზომებს იმისათვის, რომ ეს ყველაფერი შეაჩეროს. მოვუწოდებ სხვა ინვესტორებსაც, რომლებსაც ჩვენი მომავალი აღელვებთ, იგივე გააკეთონ", - წერს მსახიობი ტვიტერზე.

შეგახსენებთ, რომ საპრეზიდენტო არჩევნებში რუსეთის შესაძლო ჩარევის საქმეზე გამოძიება შეერთებულ შტატებში ერთი წელია რაც გრძელდება. როგორც დადგინდა, 2016 წელს ფეისბუქზე რუსეთის ინტერესების სასარგებლოდ გამოქვეყნებული პროპაგანდისტული ინფორმაციები 125 მილიონზე მეტმა ამერიკელმა ნახა.