მალე საქართველოში პოპულარული ბრიტანული შოუ Top Gear-ის ქართული ანალოგი გავა, რომელშიც მაყურებელი გაიგებს ყველაფერს უახლესი მანქანების და მათი შესაძლებლობის შესახებ.

გადაცემის წამყვანები მოგზაურობენ ქვეყნის და მსოფლიოს გარშემო, ეცნობიან სხვადასხვა მანქანების ახალ მოდელებს და ცდიან მათ საკუთარ თავზე. შოუს მთავარი ხიბლი კი ისაა, რომ ყველაფერი ყოველთვის ისე არ ხდება როგორც დაგეგმილია.

სტუდიაში სტუმრად ცნობილი ადამიანები მიდიან და თავიანთ ავტო-თავგადასავლებზე უყვებიან მაყურებელს. ამავდროულად ისინი მონაწილეობას იღებენ ავტორბოლაში, შედეგს კი წამყვანებთან ერთად სტუდიაში განიხილავენ.

ბრიტანული შოუს ქართული ანალოგის წამყვანები იქნებიან - ავტომოყვარული, რეჟისორი და პროდიუსერი - დავით იმედაშვილი, მსახიობი და ტელწამყვანი - დიმიტრი ტატიშვილი და პიარის სპეციალისტი ანა იმედაშვილი.

შოუს ოფიციალურ გვერდზე გავრცელებული ინფორმაციით, პროექტი რუსთავი 2-ის ეთერში უნდა გავიდეს, თუმცა ჯერჯერობით არხი ამ ინფორმაციას არ ადასტურებს.