ხორავას ქუჩის ინდიცენტში არასრუწლოვანი ბრალდებულის ადვოკატი, ინგა შარაშენიძე რუსთავი 2-თან ამბობს, რომ ერთ-ერთმა მოწმემ აღწერა მკვლელი, რომელიც დაკავებული არ არის.

"ჩვენ თვითმხილველი გვეუბნება, რომ კიდევ იყო სხვა დანა. გამოძიების მიერ ფოტორობოტი შექმნილი არ არის. ინციდენტში მონაწილე პირებისთვის არ არის ის კითხვა დასმული, თვითმხილველის მიერ აღწერილი პიროვნება ნახეს თუ არა ინციდენტის ადგილზე", - ამბობს შარაშენიძე.

მისივე თქმით, სასიკვდილო ჭრილობები მისი დაცვის ქვეშ მყოფის დანის მიერ არის თუ არა მიყენებული ჯერ დადგენილი არაა.

პირველ დეკემბერს, თბილისში, ხორავას ქუჩაზე არასრულწლოვნებს შორის დაპირისპირების შედეგად 51-ე სკოლის ერთ-ერთი მოსწავლე ლევან დადუნაშვილი საავადმყოფოში მიყვანამდე გარდაიცვალა. კიდევ ერთ მოსწავლეს, დავით სარალიძეს საავადმყოფოში სამი ოპერაცია გაუკეთდა, თუმცა ის მომხდარიდან მეორე დღეს გარდაიცვალა. მას 14-მდე ჭრილობა ჰქონდა მიყენებული სხეულზე. განზრახ მკვლელობის საქმეზე ბრალი ორ არასრულწლოვანს წაუყენეს.

ხორავას ქუჩაზე მომხდარი მკვლელობის შესახებ დეტალურად გაიგეთ აქ.