აშშ-ში იუსტიციის სამინისტრომ და ფასიანი ქაღალდებისა და ბირჟების კომისიამ iPhone-ის გამიზნულად შენელების ბრალდებით Apple-ის წინააღმდეგ გამოძიება დაიწყო. წერს Bloomberg.

იუსტიციის სამინისტროში ამასთან დაკავშირებით განცხადება არ გაუკეთებიათ. კომპანიის წარმომადგენლებმა სააგენტოს ინფორმაცია დაუდასტურეს:

"ჩვენ არასდროს გაგვიკეთებია და არ გავაკეთებ არაფერს იმისათვის, რომ Apple-ის რომელიმე პროდუქციოს სიცოცხლე შევუმოკლოთ ან გაყიდვების გაზრდისთვის მუშაობის ხარისხი გავაუარესოთ".

2017 წლის დეკემბერში Apple-მა დაადასტურა, რომ ახალი ოპერაციული სისტემა და iOS-ის სხვადასხვა ვერსიები ძველი მოდელის iPhone-ბის მუშაობის სიჩქარეს ანელებს. ამის მიზანი ძველი მოდელების ელემენტების გამძლეობისა და მუშაობის ხანგრძლივობის შენარჩუნებაა.

კომპანიის განმარტებით, ფუნქცია მხოლოდ გადაუდებელი აუცილებლობის შემთხვევაში აქტიურდება, რათა მუშაობის პროცესის უცრად არ დასრულდეს და მოწყობილობა არ გაითიშოს.

ინფორმაციის გავრცელების შემდეგ, მომხმარებლების დიდი ნაწილი მიიჩნევს, რომ ეს კომპანიის მხრიდან ერთგვარი მარკეტინგული სვლაა, რითაც Apple უფრო მეტი ახალი მოდელის iPhone-ის გაყიდვას ცდილობს. მსგავს ფაქტზე გამოძიება საფრანგეთშიც დაიწყო.