სამეფო კარის თამაშების ვარსკვლავი, 21 წლის სოფია ტერნერი და 28 წლის მომღერალი ჯო ჯონასი ცოტა ხნის წინ დაინიშნენ და ქორწილისთვის აქტიური საზადისიც დაიწყეს.

რა თქმა უნდა ვიცოდით, რომ ამ გრანდიოზულ ცერემონიას აუცილებლად დაესწრებოდნენ ვინტერფელის ლორდები და ვესტეროსის სხვა დიდებულები. ახლახანს სოფიამ თავისი მეჯვარის ვინაობაც გაამხილა და არც ის აღმოჩნდა სიურპრიზი, როცა ეს მისი უახლოესი მეგობარი და ეკრანული და - მეისი უილიამსი, იგივე არია სტარკი აღმოჩნდა.

ჯერ-ჯერობით ქორწილის სხვა დეტალები უცნობია, თუმცა იმედი გვაქვს მალე გავიგებთ, რომ პატარძალს ნეფემდე ნედ სტარკი მიაცილებს.