სუსათის ეროვნულმა სააგენტომ დარღვევების გამო, ზამთრის კურორტებზე შემოწმებული ობიექტების ნახევარი დააჯარიმა. დაჯარიმებული ობიექტების შესახებ ინფორმაციას უწყების პრესსამსახური ავრცელებს.

სურსათის ეროვნულმა სააგენტომ მცხეთა-მთიანეთის რეგიონში, ზამთრის საკურორტო ზონასა და მაგისტრალზე საზოგადოებრივი კვების ობიექტები შეამოწმა. უწყებამ 50 ობიექტზე სანიტარიულ-ჰიგიენური მდგომარეობა, სურსათის ეტიკეტირების წესი, შენახვისა და რეალიზაციის პირობები შეამოწმა. 25 ბიზნესოპერატორი სხვადასხვა წესის დარღვევის გამო დაჯარიმდა.

"სააგენტოს ინსპექტორებმა ბიზნესოპერატორებს სურსათის უვნებლობის მოთხოვნები გააცნეს და შესაბამისი რეკომენდაციები მისცეს", - აცხადებენ სურსათის ეროვნულ სააგენტოში და დასძენენ, რომ ზამთრის კურორტებზე საზოგადოებრივი კვების ობიექტებს რეგულარულად ამოწმებენ.