შემოქმედებითი მოძრაობა ტალღა, მსახიობ გიორგი გიორგანაშვილის დაკავების გასაპროტესტებლად აქციას აანონსებს. მოძრაობის განცხადებაში ნათქვამია, რომ სახელმწიფომ ახალგაზრდების მოთხოვნის გათვალისწინების მაგივრად სხვა გზა აირჩია, ამიტომ რეაქციის დროა:

" სალამ მეომრებს!!!!! როგორც იცით დღეს დაიჭირეს ერთერთი ჩვენი თანამებრძოლი გიორგი გიორგანაშვილი "ბახალა"! ყველანაირი სამართლებრივი საფუძვლის გარეშე!! ჩვენი ორგანიზაცია "ტალღა" შეიქმნა მხოლოდ და მხოლოდ იმისთვის რომ უდანაშაულოდ დაჭერილი ადამიანების უფლებები დაეცვა და დაგვესრულებინა ეს რეპრესიული ნარკოპოლიტიკა! სახელმწიფომ იმის მაგივრად რომ ახალგაზრდობის მოთხოვნა გაეთვალისწინებინა სულ სხვა გზა აირჩია, დაიჭირა ჩვენი თანამებრძოლი, ყველას აქვს არჩევანის უფლება, მაგრამ სახელმწიფომ უნდა იცოდეს რომ "ყველა აქციას მოყვება რეაქცია"!! ეხლა დრო მოვიდა ჩვენი რეაქციის!!!! ზეგ 25 იანვარს 17:00 კანცელარიასთან გელოდებით ყველას!! დროა ვანახოთ ჩვენი ძალა!!!! #ომსომითპასუხობენმეომრები. "

აქცია 25 იანვარს, 17:00 საათზე მთავრობის კანცელარიასთან გაიმართება.

თბილისის საქალაქო სასამართლომ გიორგი გიორგანაშვილს, იგივე ბახალას 0,3726 გრამი სუბოტექსის ფლობისთვის 8-წლიანი პატიმრობა მიუსაჯა.