ქაბულში შეიარაღებული დაჯგუფება ინტერკონტინენტალის სასტუმროს თავს დაესხა, წერს BBC. ავღანეთის შინაგან საქმეთა მინისტრის თქმით, სპეცრაზმსა და თავდამსხმელებს ორმაგი ცეცხლი აქვთ გახსნილი.

ამ დროისთვის ცნობილი არაა არიან თუ არა გარდაცვლილები სასტუმროს ბინადრებს შორის, თუმცა გავრცელებული ინფორმაციით, ერთ-ერთი თავდამსხმელი მოკლეს. ადგილობრივი მედიის ცნობით, რამდენიმე ადამიანი ტყვედაა აყვანილი.

ჯერ კიდევ არ დასტურდება ინფორმაცია თავდამსხმელები ტერორისტები არიან თუ არა. ინტერკონტინენტალის სასტუმროს 2011 წელს თალიბები დაესხნენ თავს. მაშინ 21 ადამიანი გარდაიცვალა, მათ შორის 9 თავდამსხმელი იყო. მათი მოგერიება NATO-ს ვერტმფრენით გახდა შესაძლებელი.

ინტერკონტინენტალის სასტუმრო ქაბულში ყველაზე პოპულარულია. აქ ყველაზე ხშირად ჩერდებიან დასავლეთიდან ჩამოსული სტუმრები.