თბილისის საქალაქო სასამართლოს მოსამართლემ, ბადრი შონიამ განმარტა აღკვეთი ღონისძიების სახით ბასიანზე დაჭრაში ბრალდებულ თამაზ ქვლივიძეს რატომ შეუფარდა გირაო და არა პატიმრობა.

"მე შევაფასე, რომ არ არ იყო საჭირო პატიმრობის გამოყენება და მივიჩნიე, რომ გირაოს უზრუნველყოფ, ვინაიდან ის აღიარებდა, ინანიებდა, არ იყო ნასამართლევი", - განაცხადა შონიამ.

მისი თქმით, საზოგადოების განწყობა და სასამართლოს გადაწყვეტილება, შეიძლება, ყოველთვის ერთმანეთს არ დაემთხვეს, მაგრამ ეს იმას არ ნიშნავს, რომ მის მიერ მიღებული გადაწყვეტილება უკანონოა.

შონიას განმარტებით, სააპელაციო სასამართლოს უფლება აქვს არ დაეთანხმოს პირველი ინსტანციის სასამართლოს.

13 იანვარს კლუბ ბასიანის მიმდებარე ტერიტორიაზე დაპირისპირება მოხდა კლუბის თანამშრომლებსა და თამაზ ქვლივიძეს შორის, რის შედეგადაც დაჭრილია კლუბის ორი თანამშრომელი და დიდუბე-ჩუღურეთის შინაგან საქმეთა სამმართველოს მეოთხე განყოფილების უფროსის მოადგილე.

თბილისის საქალაქო სასამართლომ ორი პირის დაჭრის და პოლიციელისათვის წინააღმდეგობის გაწევის დანაშაულებში ბრალდებულს, აღკვეთის ღონისძიების სახით, 30 000 ლარის ოდენობით გირაო შეუფარდა.

შემდგომში თბილისის სააპელაციო სასამართლომ სააპელაციო სასამართლომ პროკურატურის მოთხოვნა დააკმაყოფილა და ბრალდებულის მიმართ გამოყენებული გირაო პატიმრობით შეცვალა.