საქართველოს პრეზიდენტის საპარლამენტო მდივანი ანა ნაცვლიშვილი საზოგადოებრივი მაუწყებლის შესახებ კანონში კორუფციულ რისკებს ხედავს. მისი თქმით, თუ აღნიშნული კანონი დაკანონდება საზოგადოებრივ მაუწყებელს შეუძლია ბიუჯეტიდან მიღებული თანხების მნიშვნელოვანი ნაწილი დახარჯოს ისე, რომ ეს ხარჯვა არ დაუქვემდებაროს არანაირ წესს.

"ეს ამ კანონის პრობლემური ნაწილია და, მედიაპლურალიზმისა და ანტიკორუფციული მიმართულებით ქვეყანამ უკან რომ არ დაიხიოს, მნიშვნელოვანია, რომ პარლამენტმა ახალ ეტაპზე ამ კანონს ამ ფორმით მხარი არ დაუჭიროს", - აღნიშნა ანა ნაცვლიშვილმა.

ნაცვლიშვილი აცხადებს, რომ ეს კანონი დააზიანებს, როგორც მედიამრავალფეროვნებას საქართველოში ასევე, თვითონ საზოგადოებრივი მაუწყებლის დამოუკიდებლობას.

"ამით დაზარალდებიან ჩვენი მოქალაქეები, მათი წვდომა მრავალფეროვან და თავისუფალ ინფორმაციასთან და ამით დაკნინდება დემოკრატიის ხარისხი".