თბილისის სატრანსპორტო კომპანიის განცხადებით, 20 იანვრიდან 15 მარტამდე, მეტროსადგური გურამიშვილი მიმდინარე სარემონტო სამუშაოების გამო მგზავრებს არ მოემსახურება.

კომპანიის განმარტებით, მეტროსადგურის სარეაბილიტაციო სამუშაოები 2017 წლის სექტემბრის ბოლოს დაიწყო და მხოლოდ ღამის საათებში მიმდინარეობდა:

"20 იანვრიდან კი, იწყება ისეთი მასშტაბური სამუშაოები, როგორიცაა სადგურის ვესტიბიულების თაღების ჩამოხსნა და ჩაწნეხვა, დახრილი გვირაბის გაწმენდა, გალესვა, სამღებრო სამუშაოების წარმოება და ა.შ."

ამ პერიოდის განმავლობაში დანარჩენი მეტროსადგურები ჩვეულ რეჟიმში გააგრძელებენ მუშაობას, გურამიშვილის სადგურს კი მატარებლები შეუჩერებლად გაივლიან.