ეროვნულ-დემოკრატიული ინსტიტუტის (NDI) მიერ ჩატარებული კვლვევის მიხედვით, კაცების 77 პროცენტი მიიჩნევს, რომ საქართველოში მცხოვრები ქალებისთვის პრობლემას წარმოადგენს ოჯახში ძალადობა. იგივე მოსაზრება აქვს გამოკითხული ქალების 84 პროცენტს.

კაცების 20 პროცენტის თქმით, აღნიშნული საკითხი პრობლემას არ წარმოადგენს, სამმა პროცენტმა კი არ იცის.

ადრეულ ქორწინებას პრობლემად მიიჩნევს კაცების 69 და ქალების 75 პროცენტი. კაცების 54 პროცენტის აზრით კი, პრობლემაა არასასურველი სექსუალური ხასიათის ზეწოლა. იგივე აზრს ეთანხმება ქალების 57 პროცენტი.

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.