წიგნის გამომცემელთა და გამავრცელებელთა ასოციაცია ქართული საბავშვო წიგნების მიღებას აცხადებს, რომლებიც 2018 წლის 10-დან 14 ოქტომბრის ჩათვლით ფრანკფურტის წიგნის ბაზრობაზე, ქართული საბავშვო წიგნების სტენდზე გამოიფინება.

ასოციაცია ქართულის გარდა, ინგლისურ და გერმანულ ენებზე გამოცემული ქართველი ავტორების მიერ დაწერილი წიგნებსაც მიიღებს.

ასოციაცია კიდევ ერთი ეროვნული სტენდისთვის, რომელიც განთავსებულია დიზაინის და ხელოვნების სივრცეში, ხელოვნებისა და დიზაინის შესახებ შექმნილი წიგნებს მიიღებს. ამ სტენდისთვის შეირჩევა როგორც ალბომები, ისე ილუსტრირებული გამოცემები, ფოტო-წიგნები, Art Book-ები და სხვა. მიიღება როგორც ქართულ, ისე ინგლისურ და გერმანულ ენებზე გამოცემული ქართველი ავტორების მიერ შექმნილი წიგნები.

ფრანკფურტის წიგნის ბაზრობისთვის სულ 100 სახელოვნებო და 50 საბავშვო წიგნი შეირჩევა და მათზე ინფორმაცია 2018 წლის მაისში გავრცელდება. წიგნები, რომლებიც არ შეირჩევა, შესაბამის პირებს დაუბრუნდებათ.

დაინტერესებულმა პირებმა შესაბამისი გამოცემები წიგნის გამომცემელთა და გამავრცელებელთა ასოციაციას უნდა მიაწოდონ არაუგვიანეს 31 იანვრის 18:00 საათისა.

მისამართი: მაჩაბლის #13, მე-2 სართული. კონტაქტი: მაშო სამადაშვილი - 577 72 20 16

2018 წლის გამოცემების მიღება დაიწყება 2018 წლის 15 აპრილს და დასრულდება 30 აპრილს.