თბილისის საქალაქო სასამართლომ ყოფილი ცოლს მიმართ განხორციელებული ძალადობისთვის ბრალდებული დამნაშავედ სცნო სასჯელის სახედ და ზომად ერთი წლით თავისუფლების აღკვეთა განუსაზღვრა.

ბრალდების მხარის ვერსიით, 2017 წლის სექტემბერსა და ოქტომბერში ნასვამ მდგომარეობაში მყოფმა პირმა ყოფილ ცოლს მიაყენა ფიზიკური შეურაცხყოფა, რა დროსაც ხელებს უჭერდა სახისა და ყელის არეში. პროკურატურის ინფორმაციით, ასევე, მან მცირეწლოვანი შვილის თანდასწრებით ცოლს სახის არეში დაარტყა ხელი.

სამართალდამცველებმა ბრალდებული 2017 წლის 27 ოქტომბერს დააკავეს. მას ბრალდება ოჯახის ერთი წევრის მიერ ოჯახის სხვა წევრის მიმართ ძალადობის კუთხით წარუდგინეს.