ხვალ, 7 იანვარს, 14 საათიდან, თბილისში, რუსთაველის გამზირი, პუშკინისა და ბარათაშვილის ქუჩები და ბარათაშვილის აღმართი დროებით დაიკეტება. ამ დროს გზა ალილოს მსვლელობისთვის გათავისუფლდება.

ამ ქუჩებზე მოძრავი ავტობუსების მარშრუტები შეიცვლება, რუსთაველის გამზირის გახსნამდე, ავტობუსები მტკვრის მარჯვენა სანაპიროსა და ელბაქიძის აღმართის გავლით იმოძრავებენ.

თბილისის მერიის ინფორმაციით, მას შემდეგ, რაც მსვლელობა ბარათაშვილის აღმართს მიაღწევს, ავლაბრიდან ბარათაშვილის ქუჩის მიმართულებით მოძრავი ავტობუსები ავლაბრის მოედანზე დატრიალდებიან.