გიორგი მარგველაშვილი მიიჩნევს, რომ მიხეილ სააკაშვილის მიერ კონსტიტუციით მინიჭებული მუხლით გამოყენებისთვის სამართლებრივი დევნა ზიანს აყენებს ქვეყანას. მოქმედმა პრეზიდენტმა ყოფილი პრეზიდენტისთვის პატიმრობის მისჯაზე სასამართლოს გადაწყვეტილების შემდეგ ისაუბრა.

"საერთაშორისო თვალსაზრისით, სწორედ კონსტიტუციური მუხლით დევნის წამოწყება ბადებს ძალიან ბევრ კითხვას და სერიოზულ ზიანს აყენებს საქართველოს საგარეო პოლიტიკურ იმიჯს", - განმარტა მარგველაშვილმა.

მისი თქმით, პრეზიდენტის მიერ კონსტიტუციით მინიჭებული უფლების გამოყენება პროკურატურამ პოლიტიკური განცხადებებით შეაფასა, რამაც ეჭვები გააღრმავა კონსტიტუციური ბალანსისთვის პრობლემების შექმნის.

თბილისის საქალაქო სასამართლომ საქართველოს მესამე პრეზიდენტი მიხეილ სააკაშვილი დამნაშავედ სცნო პრეზიდენტობის პერიოდში სამსახურებრივი უფლებამოსილების ბოროტად გამოყენებაში და მას სამწლიანი პატიმრობა შეუფარდა. საქმე ეხება 2006 წელს მოკლული სანდრო გირგვლიანის საქმეზე ბრალდებული ყოფილი სამართალდამცავების ვადამდე ადრე გათავისუფლებას.