ნიჭერის ახალი სეზონი მრავალფეროვნებით რომ გამოირჩევა, ამაზე უკვე ბევრჯერ გიამბეთ. ახლა ყურადღება იმ კონკურსანტებზე გავამახვილოთ, რომლებმაც ასაკის მიუხედავად საოცარი შესაძლებლობები გვაჩვენეს და დაუვიწყარი ნომრები შემოგვთავაზეს.

წლევანდელი შოუს პირველი ვარსკვლავი შიმი-შიმების პრინცესა ნინი გვაზავაა, რომლის პირველ ნომერს იუთუბზე 2 მილიონზე მეტი ნახვა აქვს. არტისტული, ენერგიული და ელასტიური ნინი 7 წლისაა, თუმცა ჰიპ-ჰოპისმაგვარ ცეკვებში ნამდვილი პროფესიონალია

ბევრ ინდოელ ვარსკვლავს შეშურდებოდა ასეთი სახასითაო იმიჯისა და ენერგიის. 12 წლის ქრისტინე კაპანაძემ პროექტში უამრავი ფერი, მხიარულება და ბოლივუდის ენერგია შემოიტანა

ელენე ფხალაძე ჯერ მხოლოდ 14 წლისაა, მაგრამ მის გამაოგნებელ შესაძლებლობებს შესაფერისად ვერ აღვწერთ, ამიტომ ჯობია თავად ნახოთ

ჩვენც კი გაოგნებული ვრჩებით, როცა დამწყები მომღერლები, მსოფლიო ვარსკვლავების დონეზე ასრულებენ ურთულეს კომპოზიციებს. ამის თვალსაჩინო მაგალითი 10 წლის მარიამ შონიაა

ბავშვთა ორკესტრის გამოსვლას, ლეგენდარული გია ყანჩელის კომპოზიციებით და უდიდესი ენთუზიაზმით, ცრემლების გარეშე არ ჩაუვლია

პროექტის სცენაზე ნიჭის ნამდვილი ბუმი იყო, როცა ერთდროულად 80 მომღერალი წარდგა კაპელას სახელით. მათმა შესრულებამ არამხოლოდ საქართველოს, არამედ მსოფლიოს მასშტაბით გაითქვა სახელი

და ბოლოს, ერთ-ერთი ყველაზე ემოციური ნომერი ამ სეზონში - ე.წ საზღვარს მიღმა დარჩენილი მოსახლეობის გზავნილი, რომელიც წეროებმა ჩამოიტანეს

როგორც ჟიურის წევრებმა არაერთხელ აღნიშნეს, ნამდვილად საამაყოდ გვაქვს საქმე და მომავალი ჩვენია, რადგან უნიჭიერესი ახალი თაობა მოდის.