2001 წელს სტივენ სოდერბერგმა ჰოლივუდის ვარსკვლავური შემადგენლობით იმ წლის ერთ-ერთი მთავარი კინომოვლენა ოუშენის თერთმეტი მეგობარი გადაიღო. როგორც მოსალოდნელი იყო, ბრედ პიტის, ჯულია რობერტსის, ჯორჯ კლუნისა და მეთ დეიმონის სახელები საკმარისი აღმოჩნდა, რომ ფილმს კინოთეატრებთან რიგი დაეყენებინა. 2004 წელს ეკრანებზე ოუშენის თორმეტი, ხოლო 2007 წელს - ცამეტი მეგობარი გამოვიდა.

სულ მალე მაყურებელს საშუალება ექნება ნახოს Warner Bros.-ის ახალი ფილმი - ოუშენის რვა მეგობარი, რომელიც ოუშენის მეგობრების ახალი ვერსია იქნება ქალების მონაწილეობით. ვარსკვლავების სიუხვე ფილმის ახალ ვერსიაშიც მოგხვდებათ თვალში. ფილმში მონაწილეობენ: ქეით ბლანშეტი, სანდრა ბულოკი, ჰელენა ბონემ კარტერი, ენ ჰეთევეი, სარა პოლსონი, პოპ-ვარსკვლავი რიანა.

ნახეთ ფილმის პირველი ოფიციალური ტრეილერი:

კინოსურათი ეკრანზე 2018 წლის 8 ივნისს გამოვა.