თეთრი სახლი ათათურქის აეროპორტში მომხდარ ტერორისტულ აქტს ტვიტერით ეხმაურება და სამძიმარს უცხადებს დაღუპულთა ოჯახებს:

"ჩვენ ვგმობთ იმ საზარელ ტერორისტულ აქტს, რომელიც სტამბოლის ათათურქის აეროპორტში განხორციელდა და რომელსაც ათობით ადამიანი ემსხვერპლა. ათათურქისა და ბრიუსელის აეროპორტი, რომელსაც მანამდე დაესხნენ თავს, ჩვენი საერთაშორისო კავშირების სიმბოლოებია. ჩვენ ვუსამძიმრებთ დაღუპულთა ოჯახებს. აშშ ურყევად უჭერს მხარს ნატოს მოკავშირე თურქეთს, მსოფლიოს სხვა მოკავშირეებთან ერთად და განვაგრძობთ ტერორიზმის წინააღმდეგ ბრძოლას".

28 ივნისს, ღამით, სტამბოლის ათათურქის სახელობის აეროპორტში, 2 აფეთქებას სულ მცირე 36 ადამიანი ემსხვერპლა 147 კი დაშავებულია. მომხდარზე ჯერჯერობით არცერთ ტერორისტულ დაჯგუფებას არ აუღია პასუხისმგებლობა.