დღეს ერთიანმა ნაციონალურმა მოძრაობამ საარჩევნოდ ეკონომიკური პროგრამა წარადგინა. პარტიის ლიდერის, დავით ბაქრაძის, განცხადებით, მათი გამარჯვების შემთხვევაში, ის მიკრომეწარმეები, რომელთა ბრუნვაც 90 ათას ლარს არ აღემატება, ყველანაირი გადასახადებისგან გათავისუფლდებიან:

"ამის უკან დგას ათეულობით ათასი ადამიანი. ვისაც აქვს მაგალითად ჯიხური, მცირე ზომის მაღაზია სოფელში, ვისაც აქვს სადალაქო ან ის ვინც ტაქსაობს. ჩვენი წარმოდგენილი ცვლილებით, ისინი არ გადაიხდიან არანაირ გადასახადს".

ბაქრაძის თქმით, ეს მოქალაქეებისთვის მნიშვნელოვანი შეღავათი იქნება. ენმ-ს ინიციატივით, დამატებითი ღირებულების გადასახადის ზღვარი 200 ათას ლარიან ბრუნვამდე აიწევს.