საქართველოს ფინანსთა სამინისტროს საგამოძიებო სამსახურმა თბილისში, ქუთაისში, ზუგდიდში, გარდაბნისა და ბოლნისის მუნიციპალიტეტებში უაქციზო სიგარეტის შენახვა-გადაზიდვა-რეალიზაციის ხუთი ფაქტი გამოავლია. დაკავებულია ხუთი პირი.

უწყების თქმით, ამოღებულია სარეალიზაციოდ განკუთვნილი 14 700 კოლოფი უაქციზო სიგარეტი, რომლის საბაზრო ღირებულება 39 ათას ლარს აღემატება.

გამოძიება მიმდინარეობს საქართველოს სისხლის სამართლის კოდექსის მე-200 მუხლის პირველი, მეორე და მესამე ნაწილებით, რაც სასჯელის სახით ითვალისწინებს თავისუფლების აღკვეთას ვადით 6-დან 8 წლამდე.