4 წლიანი პაუზის შემდეგ ლევან ვარშალომიძე ქართულ პოლიტიკაში ბრუნდება. ამის შესახებ მან ოდესაში, რუსთავი 2-თან მიცემულ ექსკლუზიურ ინტერვიუში განაცხადა.

აჭარის ავტონომიური რესპუბლიკის მთავრობის ყოფილი თავჯდომარე საარჩევნო კამპანიის დაწყებას 1-ელი ივლისიდან აპირებს. ამ დროს დაბრუნდება ის საქართველოში.

ვარშალომიძის თქმით, მისი მთავარი მიზანი აჭარაში სამუშაო ადგილების გაზრდა და მოსახლეობის დასაქმებაა:

"ჩვენ გვჯერა აჭარის მოსახლეობის რომ ის გვერდზე დაგვიდგება, რადგან ახსოვს მათ კარგად, რას ვაკეთებდით და ახსოვს ყველას, როგორი რთული სიტუაციიდან დავიწყეთ".

ლევან ვარშალომიძე გამარჯვებაში დარწმუნებულია და აცხადებს, რომ არჩევნების მეორე დღიდანვე დაიწყებს აჭარის განვითარებაზე ზრუნვას. მისი თქმით, ოცნების მმართველობის პერიოდში რეგიონის განვითარების ტემპი შემცირდა.