გუშინ ღამით გავრცელდა ვიდეო, სადაც ჩანს, რომ ბაიკერს პოლიციელი იარაღით მისდევს და სროლით ემუქრება.

ამის პარალელურად ვრცელდება მეორე ვიდეო, სადაც ჩანს, რომ პოლიციელს ერთ-ერთი ბაიკერი ქუდს ხდის და ძირს აგდებს.

შსს-ში On.ge-ს განუცხადეს, რომ აღნიშნულ ფაქტზე სულ 4 პირია დაკავებული. 3 ადმინისტრაციული კოდექსის, ხოლო 1 სისხლის სამართლის კოდექსის დარღვევით. შს სამინისტროს პრესსამსახურის თქმით, მან პოლიციელს "თავში ჩაარტყა".

"დაკავებულია 4 პირი, 1 მათგანი სისხლის სამართლის კოდექსის 373-ე მუხლით, რომელიც პოლიციელისთვის დაუმორჩილებლობასა და შეურაცხყოფის მიყენებას გულისხმობს და 3 პირი ადმინისტრაციულ სამართალდარღვევათა კოდექსის 173-ე მუხლით, რომლებიც პოლიციელისთვის დაუმორჩილებლობასა და წინააღმდეგობის გაწევას გულისხმობს".

შსს-ს პრესსამსახურის თქმით, პოლიციელს მსგავს სიტუაციაში იარაღით დამუქრების უფლება ჰქონდა:

"პოლიციელია ის პირველ რიგში და აკავებს მას, ვინც არ ემორჩილება".

შსს-ს თქმით, აღნიშნული ფაქტი ბაიკერების მხრიდან საზოგადოებრივი წესრიგის დარღვევას მოჰყვა.