საქართველოს პარლამენტის დეპუტატი უმრავლესობიდან, გია გაჩეჩილიაძე ამბობს, რომ უმჯობესი იყო გარემოს დაცვის სამინისტრო დამოუკიდებლად ყოფილიყო. ამის შესახებ მან სამთავრობო ცვლილებების შეფასების დროს თქვა.

"გარემოს დაცვა, როგორც სტრატეგიული მიმართულება ქვეყნისთვის, როგრც ევროკავშირისკენ ორიენტირებული ქვეყნის, სადაც ყველაზე დიდი პრიორიტეტი სწორედ ეს გახლავთ და ასოცირების ხელშეკრულებაშიც სწორედ ამაზეა ლაპარაკი, ჯობია რომ გარემოს დაცვის სამინისტრო მაინც ცალკე იყოს," - აღნიშნა გაჩეჩილაძემ.

დღეს, 13 ნოემბერს პრემიერმა, გიორგი კვირიკაშვილმა მთავრობაში დაგეგმილი ცვლილებების შესახებ ისაუბრა. ამ ცვლილებებით, გარემოს დაცვის სამინისტროს უერთდება სოფლის მეურნეობის სამინისტრო და გარემოსა დაცვისა და სოფლის მეურნეობის მინისტრის პოსტს ლევან დავითაშვილი დაიკავებს.