შინაგან საქმეთა სამინისტროს ინფორმაციით, ქუთაისში ავტოსაგზაო შემთხვევის შედეგად ქვეითი გარდაიცვალა.

როგორც სამინისტროს პრესსამსახურმა On.ge-ს უთხრა, გამოძიება მიმდინარეობს სისხლის სამართლის კოდექსის 276-ე მუხლით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.