მაგთიკომის განცხადებით, ბოლო ორი კვირის განმავლობაში მათი ინტერნეტქსელის სხვადასხვა სეგმენტზე უწყვეტ რეჟიმში ხორციელდება კიბერშეტევა. მათივე თქმით, კიბერშეტევის დაფიქსირებისთანავე ტექნიკურმა სამსახურმა უსაფრთხოების მექნიზმები გააძლიერა.

კომპანიის თქმით, შეტევის შედეგად აბონენტების ნაწილს შეეზღუდა ინტერნეტის გარკვეულ რესურსებთან წვდომა და, ამავდროულად, გადაიტვირთა ცხელი ხაზი.

"ამ მომენტისთვის მაგთიკომისგან დამოუკიდებელი ტექნიკური მიზეზების გამო შექმნილი შეფერხებები აღმოფხვრილია და აბონენტებს სრულად მიეწოდება ინტერნეტსერვისი", - ნათქვამია განცხადებაში.

მაგთიკომი ვარაუდობს, რომ რადგან შეტევა მხოლოდ მათ ქსელებზე განხორციელდა, შესაძლოა, საქმე განზრახ ზიანის მიყენებასა და იმიჯის შელახვას ეხება.