გასული წლის ნოემბერში ლეგენდარულმა იაპონელმა რეჟისორმა, სცენარისტმა და მანგის მხატვარმა ჰაიაო მიაძაკიმ, რომელმაც 2013 წელს კინოდან წასვლის შესახებ განცხადება გააკეთა, საკუთარ გულშემატკივრებს სიურპრიზი გაუკეთა და მისი, როგორც თავად ამბობს, უკანასკნელი ანიმე დააანონსა.

ანიმეს ოსტატმა იაპონიის საზოგადოებრივ მაუწყებელზე, სპეციალურად მასზე შექმნილ გადაცემაში - ჰაიაო მიაძაკი - კაცი რომელსაც ჯერ არ დაუსრულებია, საკუთარ სამომავლო გეგმებზე ისაუბრა და ახალი ანიმეს სახელწოდებაც გაამხილა - Kimitachi wa Dou Ikiru ka იგივე How do you live?, რაც ქართულად ითარგმნება როგორ ცხოვრობ?

როგორც მიაძაკი ამხელს, ფილმის სათაური ერთ-ერთი იაპონელი ავტორის ამავე სახელწოდების მქონე რომანიდან არის აღებული, რომელიც ახალგაზრდა ბიჭისი ისტორიას გვიყვება, თუმცა იქვე დასძინა, რომ ანიმაციას წიგნთან საერთო მხოლოდ სახელი აქვს.

ამავდროულად, მიაძაკიმ თქვა, რომ ამჟამად მოკლემეტრაჟიან ანიმეზე, მუხლუხო ბორო, მუშაობს, რომელიც ტოკიოში სტუდია გიბლის მუზეუმის შესახებ იქნება და ის 2019 წელს გამოვა.

რაც შეეხება მის სრულმეტრაჟიან ნამუშევარს, რეჟისორის განცხადებით, ფილმის დასრულება მინიმუმ სამი წელი დასჭირდება.