საქართველოს პრეზიდენტი, გიორგი მარგველაშვილი აღშფოთებას გამოთქვამს ნიუ-იორკში მომხდარი ტერორისტული თავდასხმის გამო:

"საქართველო გმობს ტერორიზმის ნებისმიერ გამოხატულებას და დგას საერთაშორისო საზოგადოების გვერდით მსოფლიოს ამ უდიდესი საფრთხის წინააღმდეგ ბრძოლაში. ამ მძიმე წუთებში, ქართველი ხალხისა და პირადად ჩემი სახელით თანადგომას ვუცხადებ ამერიკის შეერთებული შტატების ხელისუფლებასა და ხალხს."

მანჰეტენზე, ნიუ-იორკის სავაჭრო ცენტრის მახლობლად, სატვირთო მანქანა ველობილიკზე გადავიდა. საწინააღმდეგო მიმართულებით მოძრაობისას, ის ველოსიპედით მოსიარულეებს და გამვლელებს ეჯახებოდა, საბოლოოდ კი ის სკოლის ავტობუსს შეეჯახა, რის შედეგად, ავტობუსში მყოფი ორი ბავშვი და ორი მოზრდილი დაშავდა.

ამერიკული მედიის ცნობით, სატვირთოს მძღოლი 29 წლის კაცია, რომელმაც მანქანიდან გადმოსვლის შემდეგ ცეცხლი გახსნა. თავდამსხმელი პოლიციამ დააკავა, ამჟამად კი ის საავადმყოფოშია გადაყვანილი.