მერებაშვილი: ნებისმიერი რასისა თუ ორიენტაციის ადამიანის მიმართ ძალადობა არის დასაგმობი

31 Oct. 2017, 10:37

სამწუხაროა ნამდვილად, რომ ასეთი გამოხმაურება მოჰყვა ამ ამბავს [გურამ კაშიას სოლიდარობა ლგბტ პირების მიმართ]. პირველ რიგში, მინდა ხაზგასმით ვთქვა, რომ ნებისმიერი რასისა თუ ორიენტაციის ადამიანის მიმართ ძალადობა არის დასაგმობი. მე ამაში ნებისმიერი ადამიანი დამეთანხმება, ვინც ნორმალურად აზროვნებს. გურამ კაშიას დიდი ხანია ვიცნობ, დაახლოებით 15-16 წელია და ვიცნობ არა მხოლოდ როგორც ფეხბურთელს, არამედ, როგორც პიროვნებას, ძალიან კარგი პიროვნებაა და სამწუხაროა, რომ ასეთი აგრესია გამოვლინდა ამ სამკლაურის გამო. მე ვფიქრობ, რომ ის არ იმსახურებს ამ ყველაფერს. ნებისმიერი ქართველი უნდა ამაყობდეს მისით. სასაცილოა ეს ყველაფერი. მეც ბევრჯერ გავიგე, რომ ნაკრებიდან მოიკვეთოს. მას ძალიან ბევრი წარმატება აქვს მოტანილი ნაკრებისთვის და ნამდვილად არ იმსახურებს მოკვეთას, მით უმეტეს, სამწუხაროდ, ქართულ ფეხბურთს არ უდგას კარგი დრო. არ გვაქვს ჩვენ ფუფუნება, რომ რომელიმე ფეხბურთელი მოვინაკლისოთ და ნაკრებიდან მოვკვეთოთ, მით უმეტეს, ამის გამო.

ბოლო ამბები:

გიორგი მერებაშვილი მერებაშვილი: ნებისმიერი რასისა თუ ორიენტაციის ადამიანის მიმართ ძალადობა არის დასაგმობი

კომენტარები

კვირის ტოპ-5

გირჩევთ

ახლა კითხულობენ